.
.
.قديمه
.
.جدا..
.
.
.
اشكر جميع من شارك في البوست اللي طاف ، اقدر اقتراحاتكم ومشاركتكم
>
>
*************************
.
update
.
the books are all gone
.
وديت بعضهم المكتبه العامه
.
امينة المكتبه قابلتني بروح حلوه وابتسامه وشكرتني عالكتب
.
she was soo sweet
الله يعطيها ألف عافيه ويجازيها بالخير
.
وبعض الكتب الخاصه في الكليه وديتهم
.
الاداره قالولي وديهم النشاط والرعايه الطلابيه والرعايه الطلابيه قالولي وديهم حق المكتبه
.
وفي طريجي لي المكتبه في هالحر وشايلتهم على قلبي شثقلهم ولا ينشق الجيس مال الكتب :(
.
والمكتبه كانت مقفوله فوقفت عند الباب افكر اخليهم هني؟
.
ولا وحده تبطل الباب وقلتلها اني ابي اوزع هالكتب
.
وقبل ما تطل داخل الجيس قالتلي: ويييييي هذولا ملوت اي سنه ؟ انشالله قدم ملوت سنة الطواعين
.
قلتلها لا هذولا يدد بس مو محتاجتهم! اكيد في طالبات راح يحتاجونهم
.
جان تقولي وديهم حق القوائم الطلابيه
.
اندقرت صارلي ساعه احوس من مكان لي مكان بالحر والجيس الثقيل يعني يكون بسوي خير :(
.
جان تقولي لحظه وتنادي وحده من داخل
.
قالتلها تعالي هذي البنيه عندها كتب شوفي اذا تبين منهم شي
.
!!
.
انا حسيت فجأه اني هندي مال بياع بياع اللي يفتر عند البيوت مع بقشته
.
بس ماقصرت معاها لانها مستجده عطيتها جم كتاب وصدفه شفنا بنات من القوائم الطلابيه قلتلها تاخذون الكتب؟
.
ومسكينه ماقصرت خذت الكتب وبروح حلوه شكرتني
.
بصراحه ما الومهم البنات لما يقطون كتبهم في الممرات عقب الفاينال
.
اذا التبرع بالكتب لويه جذي وناس يقطونك على ناس .. لابالله ما نبي نتبرع!
,,
